 |
| གནམ་ཐང་ནས་དགེ་ཕྲུག་འགའ་དང་མཉམ་དུ། |
ལར་ནི་ང་རང་མི་ཡི་རང་གཤིས་སུ་ཅ་དངོས་བདག་པོ་གཏན་ནས་རྒྱག་མི་ཤེས་པའི་ངན་ལོབས་སུ་སོང་བའི་མདོ་མེད་མི་འཁྱམས་ཞིག་ཡིན་སྟབས་ག་དུས་ཡིན་ནའང་མགོ་ཡི་ཞྭ་དང་། ལག་པའི་ཕྲེང་བ་སོགས་ཅ་དངོས་བོར་སྟོར་བྱུང་བ་ནི་ད་རེས་ཀྱི་ཐེངས་མ་གཅིག་འདི་ག་ལ་ཡིན། ངོས་ཀྱི་དགེ་ཕྲུག་རྣམས་ནས་ད་རེས་ཅ་དངོས་བོར་རླག་བྱུང་བ་དེར་སེམས་ཁྲལ་ཆེན་པོ་བྱེད་ཀྱི་འདུག ཨ་རི་ལ་ཁ་པར་གཏང་ནས་གང་མགྱོགས་དངུལ་ཁང་སྒོ་རྒྱག་དགོས་པའི་ཉེན་བརྡ་གཏང་བ་ཡིན། བོར་སྟོར་བྱུང་བའི་སྒོར་ཁུག་ནང་དུ་ཆོས་ཚོགས་ཀྱི་དངུལ་བྱང་དང་། ང་རང་སྒེར་གྱི་དངུལ་བྱང་བཅས་ཡོད།
བོར་སྟོར་བྱུང་བའི་དངུལ་དང་ཁ་པར་སོགས།།
སྤྲང་པོ་ནོར་དང་འཕྲད་པ་ཇི་བཞིན་དུ།།
ཉམ་ཆུང་མི་ཞིག་ལག་ཏུ་སོན་གྱུར་ནས།།
ཕན་ཐོག་བདེ་དགེའི་དཔལ་ལ་སྤྱོད་པར་ཤོག།
ཤོ་ལོ་ཀའི་ཚིགས་བཅད་འདིས་དགེ་བསྔོ་བྱས་ནས་དེ་རིང་གི་ཉིན་ཐོ་མདོར་བསྡུས་དེ་གཏང་ནས་ཉལ་སར་སོང་ནས་གཉིད་དུ་ཡུར།
No comments:
Post a Comment