རྫུན་བཤད་ཆོག་པའི་ཉིན་མོ།

རྦིག་སུར་ཞེས་སྐད་གྲགས་ཅན་གྱི་ས་ཆ་རུ། 

ཉིན་མོ་འདི་ནི་ཨ་རིའི་ལུང་པར་དམིགས་བསལ་ཅན་གྱི་ཉིན་མོ་ཞིག་རེད་འདུག ད་ནང་ཞོགས་པ་གློ་ཁུག་ནང་ནས་ཁ་པར་གྱི་ཏིར་སྒྲ་ཞིག་ཡོད་པ་དེ་ནི་ཉིའུ་ཡོག་ཏུ་ཡོད་པའི་ངོས་ཀྱི་དགེ་ཕྲུག་ཆོས་མིང་དུ་ཀརྨ་བཟང་པོ་ཞེས་ཀོམ་ལམ་རྦིའི་ནས་ཡིན་པའི་ནམ་རྒྱུན་མཚར་གཏམ་ལ་དགའ་བའི་མི་ཞིག་ཡོད་པ་དེ་རེད་འདུག ཁོང་ནས་ཟེར་ན་ང་ད་ལྟ་ཁྱེད་རང་ཆོས་ཚོགས་ཀྱི་སྒོ་འགྲམ་དུ་སླེབས་ཡོད་པས་སྒོ་ཕྱེ་རོགས་ཟེར། ངས་ནི་བདེན་པ་ཡིན་ཤག་བྱས་པ་ཡིན་གང་ཡིན་ཟེར་ན་ནམ་རྒྱུན་མི་འདིས་ང་སར་ཡོང་གི་ཡིན་ཅེས་རྟག་པར་བཤད་ཀྱི་ཡོད། ངས་ཁོང་ལ་འདི་ལྟར་ཞུས། ང་ད་ལྟ་ཕྱི་ལོགས་ཞིག་ལ་ཡོད་ཁྱེད་རང་ཅུང་སྒུགས་དང་ང་མགྱོགས་པོ་ཡོང་གི་ཡིན་ཅེས་བཤད་དུས་ཁོ་རང་གད་མོ་ཤོར་སོང་། ངས་ཁྱེད་རང་ཏན་ཏན་འདིར་ཡོད་དམ་ཟེར་དུས་ཁོང་ནས་མཁན་པོ་དེ་རིང་གི་ཉིན་མོ་དེ་གང་ཡིན་ཤེས་ཀྱི་ཡོད་པས་ཟེར། ངས་གཞི་ནས་ཁོང་གིས་ང་མགོ་སྐོར་གཏང་བ་ཤེས་སོང་། དེ་རིང་གི་ཉིན་མོ་འདི་ནི་ཨ་རིའི་ལུང་པའི་ནང་དུ་མི་གཞན་ལ་མགོ་སྐོར་རམ་སྐྱག་རྫུན་བཤད་པའི་ཉིན་མོ་ཡིན་སྐད་འདུག དྲན་སོས་པ་ཞིག་ལ་སྔ་ལོར་ཨ་མ་སུས་སིན་ངེད་གཉིས་ཉིན་མོ་འདིར་གཅིག་གིས་གཅིག་ལ་མགོ་སྐོར་གཏོང་རེས་བྱས་པ་ད་བཟོད་གཞི་ནས་དྲན་སོང་། 
ལར་ནི་ཨ་རིའི་ལུང་པ་འདིའི་ནང་དུས་ཆེན་མི་འདྲ་བ་ཧ་ཅང་མང་པོ་འདུག 
དེ་རིང་གི་ཉིན་ཐོ་མདོར་བསྡུས་ཞིང་གཏངས་ནས་ཉལ་སར་སོང་ནས་གཉིད་དུ་ཡུར།