Friday, November 15, 2019

༅༅། ཞེན་པ་བཞི་བྲལ་གྱི་འགྲེལ་བཤད་མདོར་བསྡུས།


༅༅། ཞེན་པ་བཞི་བྲལ་གྱི་འགྲེལ་བཤད་མདོར་བསྡུས། 
རྩ་བར།
ཚེ་འདི་ལ་ཞེན་ན་ཆོས་པ་མིན།
འཁོར་བ་ལ་ཞེན་ན་ངེས་འབྱུང་མིན།
བདག་དོན་ལ་ཞེན་ན་བྱང་སེམས་མིན། 
འཛིན་པ་བྱུང་ན་ལྟ་བ་མིན། 
དང་པོ་ཚེ་འདི་ལ་ཞེན་ན་ཆོས་པ་རྣམ་པར་དག་ཞིག་མིན་ཏེ། རྒྱུ་མཚན། ཚེ་འདི་ཡི་དངོས་པོར་ཆགས་ནས་དམ་པའི་ཆོས་ཡང་དག་པ་སྒྲུབ་པའི་འགལ་རྐྱེན་དུ་འགྲོ་བའི་ཕྱིར། དཔེར་ན། དེང་སང་གི་དུས་རབས་གསར་པའི་མི་བཞིན་ནོ། དེང་སང་གི་དུས་སུ་མི་རྣམས་ཚང་མ་དབང་པོ་སྒོ་ལྔའི་ཡུལ་ཁོ་ན་ལ་གཡེངས་ནས་རང་གིས་མིག་གིས་མཐོང་བ་དང་རྣ་བས་ཐོས་པ་སོགས་དབང་པོ་ལྔ་པོ་འདིར་འཕྲད་ཚད་ཚང་མ་བདེ་བ་རུ་འཛིན་ནས་བརྟག་དཔྱད་གང་ཡང་མེད་པར་ཡུལ་དེ་ཡི་རྗེས་སུ་འབྲང་གི་ཡོད། ཡུལ་དེ་ཡི་རྗེས་སུ་འབྲངས་ནས་མཐར་ཐུག་གི་འབྲས་བུར་རང་ཁེ་གཞན་ཕམ་གྱི་དབང་གིས་སྡིག་པ་དང་། ལུས་སེམས་ལ་སྡུག་བསྔལ་ཁོ་ན་འབྱུང་གི་ཡོད། ཁོ་བོས་བྲིས་པའི་དབེན་གནས་ལ་སྐུལ་མ་ཐར་པའི་ལམ་སྟོན་ལས། 
།བསམ་རྒྱུ་བདེ་སྐྱིད་ཞིག་བསམ་ཡང་། །འགྲུབ་རྒྱུ་སྡུག་བསྔལ་ལས་མ་བྱུང་།
 །ལམ་ལོག་གྱུར་པ་ཡི་མ་རྣམས། །ཐར་པའི་དབེན་གནས་སུ་ཕེབས་ཤོག། 
ཅེས་གསུངས་པ་ལྟར་དུ་ཆགས་སྡང་གཉིས་ཀྱི་འཁོར་བའི་རྒྱ་མཚོ་འདིར་གནས་སྐབས་ལྟར་སྣང་གི་བདེ་སྐྱིད་ཕྲན་བུ་ལ་མགོ་འཁོར་ནས་བསྡད་ན་ནམ་ཞིག་གནས་སྐབས་ཀྱི་བདེ་བ་དེ་འགྱུར་བའི་སྡུག་བསྔལ་གྱིས་ཉ་ལྕགས་ཀྱུས་ཟིན་པ་ལྟར་འཁོར་བར་གཡེངས་ནས་དམ་པའི་ཆོས་སྒྲུབ་པའི་གོ་སྐབས་མེད་པ་དང་། ཆོས་སྒྲུབ་ཁུལ་བྱས་ཀྱང་ཆོས་དེ་ཉིད་ཡང་དག་པའི་ཆོས་སུ་མི་འགྲོ། རྒྱུ་མཚན་དེ་ལ་བསྟེན་ནས་ཚེ་འདི་ལ་ཞེན་ན་ཆོས་པ་རྣམ་ པར་དག་པ་མིན་ཅེས་དགག་སྒྲ་སྦྱར་ནས་གསུངས་པ་རེད། 

གཉིས་པ། འཁོར་བ་ལ་ཞེན་ན་ངེས་འབྱུང་མིན། འཁོར་བ་ཞེས་ཟག་བཅས་ཉེར་ལེན་གྱི་ཕུང་པོ་ལྔས་བསྡུས་པའི་ཕྱི་ནང་གི་སྣོད་བཅུད་གང་ལ་ཡང་ཆགས་པ་དང་ཞེན་པ་ཡོད་ཀྱང་གང་ཟག་དེ་ཉིད་ཀྱི་རྒྱུད་ལ་ངེས་འབྱུང་རྣལ་མ་ཞིག་མེད་དེ། རྒྱུ་མཚན་ནི། ངེས་འབྱུང་དང་། ཞེན་ཡུལ་གྱི་འཁོར་བ་གཉིས་ནི་ལྡོག་ཕྱོགས་ཡིན་པའི་ཕྱིར། གང་ཟག་གཅིག་གི་སེམས་རྒྱུད་ལ་ཞེ་སྡང་དང་སྙིང་རྗེ་གཉིས་དུས་མཉམ་དུ་འབྱུང་མི་སྲིད་པ་ལྟར་ངེས་འབྱུང་དང་ཞེན་ཆགས་གཉིས་ཀྱང་དུས་མཉམ་དུ་མི་འབྱུང་ངོ་། རྒྱུ་མཚན་ནི། ཁོ་རང་དངོས་འགལ་ཡིན་པའི་ཕྱིར། དཔེར་ན་སྣང་བ་དང་མུན་པ་ལྟར་རོ། རྗེ་ཙོང་ཁ་པའི་ལམ་གཙོ་རྣམ་གསུམ་ལས། 
།རྣམ་དག་ངེས་འབྱུང་མེད་པར་སྲིད་མཚོ་ཡི། །བདེ་འབྲས་དོན་གཉེར་ཞི་བའི་ཐབས་མེད་ལ། 
།སྲིད་ལ་རྐམ་པ་ཡིས་ཀྱང་ལུས་ཅན་རྣམས། །ཀུན་ནས་འཆིང་ཕྱིར་ཐོག་མར་ངེས་འབྱུང་བཙལ། 
སངས་རྒྱས་བཅོམ་ལྡན་འདས་ཀྱང་རྒྱ་གར་རྒྱལ་པོ་སྟོབས་ཤུགས། དབང་ཐང་། ནོར། ལོངས་སྤྱོད་ཆེ་ཤོས་ཀྱི་སྲས་སུ་འཁྲུངས་ཀྱང་གནས་སྐབས་ཀྱི་བདེ་བ་ཙམ་ལ་མ་ཆགས་པར་མཐར་ཐུག་གི་བདེ་བ་བླ་ན་མེད་པ་འཐོབ་པའི་ཆེད་དུ་རྒྱལ་སྲིད་དང་། ཆུང་མ། ནང་མི། ནོར་ལོངས་སྤྱོད་ཚང་མ་བློས་གཏང་ནས་དམ་པའི་ཆོས་ཕྱོགས་སུ་ཕེབས་པ་དེ་ཉིད་ཀྱང་ངེས་འབྱུང་གི་བསམ་པ་ཤུགས་ཆེན་པོའི་དབང་གིས་བྱུང་བ་ཡིན། གང་ལྟར་ཀྱང་ངེས་འབྱུང་རབ་འབྲིང་ཐ་གསུམ་ལ་ཆོས་པ་ཡང་དེ་བཞིན་ཡོང་བ་རེད། ངེས་འབྱུང་རབ་ལ་ཆོས་པ་རབ། ངེས་འབྱུང་འབྲིང་ལ་ཆོས་པ་འབྲིང་། ངེས་འབྱུང་ཐ་མ་ལ་ཆོས་པ་ཐ་མ། ངེས་འབྱུང་ཡེ་ནས་མེད་ན་ཆོས་པ་ཡེ་ནས་མི་འབྱུང་བ་ལྟར་ཆོས་པ་བཟང་ངན་ནི་ངེས་འབྱུང་ཡང་དག་ཟིན་མ་ཟིན་གྱིས་དབང་གིས་ཡིན་པས་ན་གཉིས་པ་འཁོར་བ་ལ་ཞེན་ན་ངེས་འབྱུང་མིན་གསུངས་ནས་དགག་སྒྲ་སྦྱར་དགོས་པའི་རྒྱུ་མཚན་དེ་ལྟར་རེད། 

གསུམ་པ་བདག་དོན་ལ་ཞེན་ན་བྱང་སེམས་མིན། བདག་དོན་ལ་ཞེན་ན་བྱང་ཆུབ་སེམས་དཔའ་མིན་ཏེ། རྒྱུ་མཚན་ནི་བྱང་ཆུབ་སེམས་དཔའ་རྣམས་ཀྱིས་རང་དོན་བློས་གཏང་ནས་གཞན་དོན་ཁུར་དུ་གཞེས་པས་སོ། སྤྱོད་འཇུག་ལས། 
།ཇི་སྲིད་ནམ་མཁའ་གནས་པ་དང་། །འགྲོ་བ་ཇི་སྲིད་གནས་གྱུར་ཏེ། 
།དེ་སྲིད་བདག་ནི་གནས་གྱུར་ནས། །འགྲོ་བའི་སྡུག་བསྔལ་སེལ་བར་ཤོག། 
གསུངས་པ་ལྟར་བྱང་ཆུབ་སེམས་དཔའ་རྣམས་ལ་ཉིན་མཚན་དུས་དྲུག་ཏུ་གཞན་དོན་ལས་རང་དོན་མེད་པས་སོ། སྤྱིར་གཏང་རང་དོན་ནམ་བདག་གཅེས་འཛིན་འདི་ནི་ཉེས་པ་ཀུན་གྱི་འབྱུང་གནས་དང་། གཞན་གཅེས་འཛིན་འདི་ནི་ཡོན་ཏན་ཀྱི་འབྱུང་གནས་ཡིན་ནོ། གང་ཡིན་ཟེར་ན། རྨོངས་པས་འཁོར་བར་འཁྱམས་པའི་སེམས་ཅན་རྣམས་ནི་རྒྱུ་ཡི་གཙོ་བོ་ནི་རང་གཅེས་འཛིན་ལས་བྱུང་ཞིང་། རིག་པའི་ཡེ་ཤེས་ཀྱིས་ཐར་པའི་ལམ་དུ་གཤེགས་མཁན་བྱང་ཆུབ་སེམས་དཔའ་རྣམས་ནི་རྒྱུ་ཡི་གཙོ་བོ་ནི་གཞན་གཅེས་འཛིན་གྱི་བློ་ཁོ་ནའི་དབང་གིས་བྱུང་བ་ཡིན་ནོ། བདག་གཅེས་འཛིན་ལ་གནས་སྐབས་དང་མཐར་ཐུག་གྱོང་གུད་གཉིས་ཡོད་དེ། མཐར་ཐུག་གི་གྱོང་གུད་ནི། ཇི་སྲིད་དུ་བདག་འཛིན་འདིའི་གཡོག་འོག་ཏུ་ཚུད་ནས་བཟུང་སྟེ་དེ་སྲིད་དུ་འཁོར་བ་ལས་གྲོལ་མི་ཐུབ། གལ་སྲིད་འཁོར་བ་ལས་གྲོལ་མ་ཐུབ་ན་དེ་སྲིད་དུ་ཡང་ནས་རང་བདག་གཅེས་འཛིན་འདིའི་དབང་གིས་ལས་ངན་བསགས་པ་རྒྱུན་མི་འཆད། རྒྱུ་ལས་ངན་རྒྱུན་མ་ཆད་ན་འབྲས་བུ་སྡུག་བསྔལ་རྒྱུན་མི་འཆད་པས་བསྐལ་པ་མང་པོར་འཁོར་བ་འདི་ལས་ཐར་མི་ཐུབ་བོ། གནས་སྐབས་ཀྱི་གྱོང་ནི། ཚེ་འདིར་ཇི་སྲིད་འཚོ་ཡི་རིང་ལ་བདག་འཛིན་ཇི་ཙམ་ཇེ་བ་དེ་ཙམ་གྱིས་རང་གི་སེམས་ལ་བྱམས་སྙིང་རྗེ་དང་། ཆོག་ཤེས། བཟོད་པ་སོགས་མེད་པའི་དབང་གིས་ཅུང་ཙམ་མ་འགྲིག་པ་བྱུང་ན་རླུང་ཚ་བོ་དང་། འགྲན་སེམས་ཕྲག་དོགས་སོགས་ཉོན་མོངས་ཀྱི་དབང་གིས་སེམས་ལ་མ་སྐྱིད་པ་དང་ཐ་ན་ཉལ་བའི་སྐབས་སུ་ཡང་གཉིད་མི་ཁུག་བ་སོགས་ཡོང་གི་ཡོད། དེ་རྣམས་གཙོ་བོ་ནི་རང་གཅེས་འཛིན་འདི་ལ་བསྟེན་ནས་ཡོང་གི་ཡོད། རྒྱུ་མཚན་དེར་བསྟེན་བདག་དོན་ལ་ཞེན་ན་བྱང་ཆུབ་སེམས་དཔའ་མིན་ཅེས་དགག་སྒྲ་སྦྱར་གསུངས་དགོས་དོན་དེ་ཡིན་ནོ། 

བཞི་པ་འཛིན་པ་བྱུང་ན་ལྟ་བ་མིན། མཉམ་བཞག་བྱེད་ནས་སྒོམ་བྱེད་བཞིན་པའི་སྐབས་སུ་འཛིན་པའམ་ཐེ་ཚོམ་རྣམ་རྟོག་སོགས་བྱུང་ན་དེ་ནི་ཡང་དག་པའི་ལྟ་བའམ་སྒོམ་མིན་ཏེ། ཡང་དག་པའི་ལྟ་བའམ་སྒོམ་དངོས་ནི་གཉིས་འཛིན་གྱི་ཐེ་ཚོམ་གྱི་བློ་དང་བྲལ་དགོས་པའི་ཕྱིར། དཔེར་ན། ལྟ་བའམ་སྒོམ་ནི་ཉི་མ་དང་། ཐེ་ཚོམ་དང་གཉིས་འཛིན་ནི་སྤྲིན་པའམ་ཁུ་རླངས་ལྟར་ཡིན་པས་ཉི་མ་སྤྲིན་ལས་གྲོལ་བ་ལྟ་བུའོ། ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེའི་ཞལ་ནས། 
།བློས་བྱས་རྩོལ་བའི་སྒོམ་གྱིས་མ་བསླད་ཅིང་། །ཐ་མལ་འདུ་འཛིའི་རླུང་གིས་མ་བསྐྱོད་པར། 
།མ་བཅོས་གཉུག་མ་རང་བབ་འཇོག་ཤེས་པའི། །སེམས་དོན་ཉམས་ལེན་མཁས་ཤིང་སྐྱོང་བར་ཤོག།
 ཅེས་གསུངས་པ་ལྟར་མཉམ་བཞག་སྐབས་སུ་གང་ཤར་མ་བཅོས་པའི་ངོ་བོ་སོ་མ་དེ་ག་རང་ལ་དགག་སྒྲུབ་མེད་པར་ཐག་གཅིག་ཐོག་ཏུ་བཅད་ནས་སྒོམ་དགོས། སྒོམ་པའི་སྐབས་སུ་ཉམས་དང་རྟོག་པ་ཐུན་མོང་གི་ཡོན་ཏན་རྣམས་ལ་རེ་དོགས་དང་རྣམ་རྟོག་མེད་པར་གང་ཤར་བ་རྣམས་རིག་པའི་ཡེ་ཤེས་སམ་དྲན་པས་ངོས་ཟིན་པའི་ཐོག་ནས་དཔེར་ན་རྒྱ་མཚོ་ལ་ཁ་བ་བབས་པ་ལྟར་ཤར་གྲོལ་དུས་མཉམ་དུ་འགྲོ་བར་བྱེད་དགོས། དེ་ལ་ཁོ་བོས་སྔ་ལོར་བྲིས་པའི་ཐར་རྒྱན་བསྡུས་པ་རྣམ་གྲོལ་ལམ་བཟང་ལས་ཀྱང་།  
།ད་ལྟའི་ཤེས་པ་མ་བཅོས་སོ་མ་འདི། །དྲན་ཤེས་ངང་ནས་མ་ཡེངས་རང་བབས་སུ། 
།གནས་དགའ་འགྱུ་སྡུག་ཡིད་དཔྱོད་རྟོག་བྲལ་བ། །བརྗོད་བྲལ་བསམ་འདས་ཚུལ་དུ་རིག་པའི་ངོར། 
།རིག་སྟོང་དག་མཉམ་ངང་དུ་འཆར་བ་ཡིས། །རང་མྱོང་ངེས་ཤེས་རྙེད་ན་ཐར་རྒྱན་ཡིན། 
ཅེས་གསུངས་པ་ལྟར་མ་བཅོས་པ་དེ་གའི་ངང་ལ་འཇོག་རྒྱུ་དེ་སྒོམ་ཡིན། བཅོས་ནས་དེ་ལས་ལོགས་སུ་སྒོམ་མི་རྙེད རྒྱུ་མཚན་དེར་བསྟེན་སྒོམ་མཉམ་བཞག་བྱེད་བཞིན་པའི་སྐབས་སུ་འཛིན་པའམ་རྣམ་རྟོག་བྱུང་ན་དེ་ལྟ་བའམ་སྒོམ་མ་ཡིན་ཅེས་དགག་སྒྲ་སྦྱར་ནས་ཐག་བཅད་པ་རེད། 

མདོར་བསྡུས་ནས་མཇུག་བསྡུས་ན། སྤྱིར་གཏང་ས་སྐྱ་པའི་ཞེན་པ་བཞི་བྲལ་འདི་ལ་འགྲེལ་བཤད་ས་སྐྱའི་བླ་མ་གོང་མ་རྣམས་ཀྱིས་མང་པོ་ཞིག་ཡོད་ཀྱང་དེ་རྣམས་ནི་འགའ་ཤས་རྒྱས་བསྡུས་སོགས་རན་པོ་དེ་ཙམ་མེད་པ་དང་། འགའ་ཤས་རན་པོར་ཡོད་ཀྱང་ང་ལ་ལུང་རྒྱུན་མེད་པས་ལུང་རྒྱུན་མེད་སྟབས་རང་འདོད་ཀྱིས་འཆད་ཁྲིད་བྱེད་མི་རུང་། རང་ལོ་ཉེར་ལྔའི་སྐབས་སུ་གུས་བོད་ཁམས་སྡེ་དགེ་པར་སྤུངས་དགོན་ནས་ས་སྐྱའི་མཁན་པོ་ཕུན་ཚོགས་རྣམ་རྒྱལ་མདུན ་ཞེན་པ་བཞི་བྲལ་གྱི་རྩ་བ་འདི་ཉིད་ཀྱི་ཁྲིད་རྒྱུན་ལེགས་པར་ཐོབ་པས་ད་རེས་རང་འདྲའི་ན་མཉམ་རྣམས་ལ་ཕན་དུ་རེ་ནས་སྙན་ངག་དང་མཁས་ཚིག་གིས་མ་བཅིངས་པར་གོ་བདེ་བའི་ཆེད་དུ་རྩ་བའི་ཚིག་ལ་ཕལ་སྐད་དུ་བཀྲལ་བ་པོ་མཁན་པོ་ཀར་བསྟན་དེས་༢༠༡༩ སྤྱི་ཟླ་༡༡ ཚེས་པ ༡༣་ཞོགས་ཐུན་ཚར་མ་ཐག་སྦྱར་བས་དགེ་བས་འགྲོ་ཀུན་རྒྱུད་ལ་དམ་ཆོས་ཞེན་པ་བཞི་བྲལ་གྱི་བྱིན་རླབས་འཇུག་ནས་བློ་ཆོས་སུ་འགྲོ་བའི་རྒྱུ་གྱུར་ཅིག། 
སརྦ་མངྒ་ལམ། བཀྲ་ཤིས་བདེ་ལེགས།། 


Thursday, November 7, 2019

ཨ་རིའི་ཤར་ཕྱོགས་སུ་བསྐྱོད་པའི་ཚོར་བ་དམར་རྗེན་མ།


༅༅།། ཉེ་བའི་ཆར་ཆོས་ཕྱོགས་ཀྱི་ལས་དོན་འགའ་ཡི་རྐྱེན་ཨ་རིའི་ཤར་ཕྱོགས་ཉིའུ་ཡོག་དང་བྷོ་སི་ཊོན་སོགས་ལ་སོང་། ཉིའུ་ཡོག་ནི་བོད་རིགས་མང་ཤོས་འདུ་འཛོམས་བྱེད་ས་ཆབ་སྲིད་ཀྱི་བྲོ་གར་འཁྲབ་ཅིང་། ཆོས་ལུགས་ཀྱི་དབང་སྐུར་བྱེད་སའི་ས་གནས་གལ་ཆེན་ཞིག་ཀྱང་ཡིན། ང་ནི་ཡུན་རིང་ཁ་བྲལ་དུ་སོང་བའི་ཚ་བོ་དང་ཚ་མོ་སྤུན་མཆེད་དེ་བཞིན་ཕ་ཡུལ་གཅིག་པ་སོགས་དང་མཉམ་དུ་ཆོས་ཕྱོགས་ཀྱི་ལས་བྲེལ་ཆེ་མིན་ལ་མ་ལྟོས་པར་རེས་གཟའ་སྤེན་པའི་ཉིན་མོ་དུས་ཚོད་མཉམ་དུ་བསྐྱལ་ནས་རྒྱ་སེང་ཧའི་Jackson high ཞེས་རྒྱ་གར་མན་ཇུ་ཀ་ཊི་ལ་གཉིས་པ་ལྟ་བུ་དེར་སྤུན་མཆེད་རྣམས་དང་ལྷན་འཆམ་ཉུལ་བྱས། ཡུན་རིང་མ་རག་པའི་བོད་ཟས་དེ་ཁ་ལ་ཞིམ་ཀྱང་། ཡུན་རིང་མ་ཐོས་པའི་བོད་པའི་སྲིད་དོན་དང་འབྲེལ་ཆོལ་ཁ་ཆོས་ལུགས་ཀྱི་གཏམ་ངན་དེས་རྣ་བར་ཧ་ཅང་གཟན་པོ་བྱུང་། དེང་སང་བོད་རིགས་གཉིས་མཉམ་དུ་ཡོད་ནས་བཟུང་སྟེ་ཆོལ་ཁ་དང་ཆོས་ལུགས། དབུ་མ་དང་རང་བཙན། སྤེན་ཚེ་དང་བློ་སེང་སོགས་མཛོ་ཕོའི་ཚུགས་ལམ་བཅོ་བརྒྱད་ཀྱི་སར་ཡོད་ཀྱང་ཉེ་སྐྱོན་ལས་རིང་སྐྱོན་མེད་པའི་དྲི་ངན་ཅན་གྱི་འཆལ་གཏམ་འདིའི་རིགས་ལ་ཉན་འདོད་གཏན་ནས་མེད། ང་ནི་བོད་པའི་སྤྱི་ཚོགས་འདི་ལ་ཐག་རིང་དུ་ལྷག་པ་དེས་གྱོང་ལས་ཁེ་ཆེ་བ་ཞིག་ཡོད་པ་ད་གཟོད་གཞི་ནས་ཤེས། །ས་ཆ་གང་དུ་བསྡད་ཀྱང་བོད་དོན་རེ་བྱས་ན། །དབུ་མ་རང་བཙན་གཉིས་ཀྱི་རྩོད་པ་དེ་མི་དགོས།  །རང་ཉིད་གངས་ཅན་པ་ཡི་སྤྱི་མི་ཞིག་ཡིན་ན། །ཆོལ་ཁ་ཆོས་ལུགས་འཐེན་འཁྱེར་ཐབས་སྡུག་འདི་མི་དགོས། །ཕ་ས་ཤོར་བའི་སྐྱབས་བཅོལ་བོད་མི་ཞིག་ཡིན་ན། །བློ་སེང་སྤེན་ཚེའི་ཕྱོགས་གཏོགས་འཁྲུགས་འཛིང་འདི་མི་དགོས། །གཟུར་གནས་ལྷག་བསམ་ལྡན་པའི་བོད་མི་ཞིག་ཡིན་ན། །རང་གཞུང་རྡོག་རྫིས་གཏོང་བའི་དཔའ་སྐད་དེ་མི་དགོས། །རང་ཚུགས་མདའ་ལྟར་དྲང་བའི་སྤྱི་མི་ཞིག་ཡིན་ན། །མ་རབས་གཞུ་ལྟར་གུག་པའི་དྲྭ་འབུ་རྣམས་མི་དགོས། །དགྲ་གཉེན་དབྱེ་འབྱེད་ཤེས་པའི་ཕོ་རྒོད་ཞིག་ཡིན་ན། །གྲི་མགོ་ནང་དུ་འཕུར་བའི་ཞབས་འདྲེན་དེ་མི་དགོས། །བཙན་བྱོལ་བོད་གཞུང་འདི་ལ་ལྷག་བསམ་ཞིག་ཡོད་ན། །ལུང་ཚན་སྐྱིད་སྡུག་མང་པོའི་འཐེན་ཁྱེར་དེ་མི་དགོས། 

༦ ༡༡ ༢༠༡༩ བྷོ་སི་ཊོན་ནས་མཁན་པོ་ཀར་བསྟན་གྱིས། 


Friday, November 1, 2019

"Significance of His Holiness the Dalai Lama in today's world"


In this 21st century, we have arrived in difficult and degenerate times with the three poisons at their peak and lives primarily focused outwards.  However, even in such difficult times, I believe that there are individuals, be it spiritual leaders of different traditions, Nobel Peace laureates, scientists or other knowledgeable human beings, who truly work for the well being of humanity.  One such individual that I know of is HIs Holiness the Dalai Lama.  I believe it is immensely precious for the whole world to have such an individual as him amidst us. 

We often talk about world peace, environmental protection, religious harmony and so on. But if we truly wish for such a place to live in, it is up to us to create such a place.  This is also why we must not only recognize and celebrate individuals who work to facilitate a peaceful world and take their advice but must also meet with such individuals to seek their compassionate guidance.  I see this as something of immense value.  For instance, I cannot imagine what His Holiness the Dalai Lama had to go through.  He parted from his native country and became a refugee but instead of dwelling on it, he altered his situation completely. And instead worked steadfastly to promote his “Four Commitments”.  His first commitment, as a human being, is to promote world peace.  His second commitment, as a religious figure is to promote religious harmony on this planet.  His third commitment, as a Tibetan, is to further the cause of Tibet. And finally, his fourth commitment is to revive the ancient Nalanda tradition of India, where the teachings of Buddha originated. His Four Commitments are extremely relevant to today’s world and that is why I see them as extremely important. 

As for me, I came from Tibet and have a profound reverence for His Holiness.  Back in Tibet, I used to frequently dream of him, which may be because of some special past life connections with him.  After reaching India, I received many teachings from him, especially on the Middle Way, Six Perfections, and on some very complex texts.  His Holiness with his knowledge and wisdom explained the complexities in these texts so well that it amazed me and I developed a profound faith in him and his teachings.  This is the kind of faith after knowing a teacher extremely well.  

The point I am trying to make is that as long as we wish for world peace, democracy and the well being of this world, it would be a tremendous loss for us not see His Holiness and hear his talks.  This is so because of his first commitment to genuine world peace born out of his own learning and life experiences.  It would be an apparent loss as human beings not to meet His Holiness while he is alive and therefore, a huge loss to the world.

Secondly, as a Buddhist, we understand that there are many characteristics that define a good teacher such as all levels of discipline and a compassionate heart.  Irrespective of one's view as a Hinayana, Mahayana or Vajrayana, His Holiness definitely encompasses all aspects of a good teacher.  Therefore, especially as a Buddhist, if one has not seen him, heard his teachings or understood his knowledge and wisdom, it will truly be a tremendous loss.  Like the analogy of a good teacher to the contents of one vase being fully poured into another, receiving everything without leaving anything in the original vase. Likewise, receiving the same exact view as that of the teacher’s like obtaining a mold, we must receive exactly the same knowledge, understanding and wisdom of His Holiness while he is alive.  Buddha, through his many transmissions, said that in degenerate times, he would manifest in this world in the form of a monk.  I have complete conviction in it even though it may sound like a story for some.  I truly believe that His Holiness is a manifestation of Buddha and a Bodhisattva.  Again, it will be a tremendous loss as Buddhists if we are unable to receive His Holiness' instructions.  

Thirdly, as a Tibetan Buddhist, it is extremely essential to receive the teachings from His Holiness.  If one has received his teachings once, one must not be simply satisfied but receive his spiritual and worldly advice again and again.  His advice emphasizes virtuous conduct and one must not feel quenched by receiving only one or two teachings.  Once received, one must also take heed to put such advice and teachings into action and integrate them into our daily lives. All tibetans revere His Holiness the Dalai Lama and hold on to his precious words of wisdom as he is after all the father figure to 6 million tibetans inside and outside of tibet. Since the 5th Dalai Lama up to the present 14th Dalai Lama, the Dalai Lamas have been an important figure and symbol of Tibet and the values it represents. Therefore it is very important for us Tibetans to keep this samaya with the future Dalai Lamas for generations to come. 

I recently went to India and received an audience with His Holiness. I firmly believe that this was purely out of my undeterred faith and reverence in him that I was able to receive such a precious opportunity.  I do not know if I possess all the qualities of a good teacher. But I believe this opportunity was a result of the little I know due to my faith and reverence for my teachers and complete surrender to them.