Saturday, March 28, 2020

༄༅། །དཔལ་ལྡན་བླ་མ་དྲན་པའི་གདུངས་དབྱངས་ས་མཐའི་རྒྱང་འབོད་མིག་ཆུའི་ཤག་སྒྲ་ཞེས་བྱ་བ་བཞུགས་སོ། །



༄༅། །དཔལ་ལྡན་བླ་མ་དྲན་པའི་གདུངས་དབྱངས་ས་མཐའི་རྒྱང་འབོད་མིག་ཆུའི་ཤག་སྒྲ་ཞེས་བྱ་བ་བཞུགས་སོ།  །

།རྒྱལ་ཀུན་གསང་གསུམ་རབ་འབྱམས་གཅིག་བསྡུས་ཀྱི་བདག་ཉིད།།རྒྱལ་བའི་མཛད་པ་ཁུར་ཆེན་ཕྲག་པ་རུ་བསྣམས་ཞིང་། 
།རྒྱལ་སྲས་རྣམས་ཀྱིས་བསྔགས་པའི་མེ་ཏོག་རང་འཐོར་བའི།། །རྒྱལ་དབང་ཀརྨ་པ་ལ་བཅོས་མིན་གྱིས་འདུད་དོ།

།བརྩེ་ཆེན་ཡེ་ཤེས་སྒྱུ་མའི་ཆོ་འཕྲུལ་གྱི་ཀློང་ནས།།གསང་གསུམ་རྒྱལ་བའི་མཛད་པ་གཅིག་བསྡུས་ཀྱི་བདག་ཉིད། 
།སྐྱབས་གཅིག་ཁོ་བོའི་བླ་མ་བུདྡྷ་ཡི་མཚན་ཅན། །བྱང་ཆུབ་མ་ཐོབ་བར་དུ་འབྲལ་མེད་དུ་བསྙེན་ནོ། 

།ཁྱེད་ནི་བགྲང་ཡས་བསྐལ་པ་མང་པོ་ཡི་གོང་རོལ། །ཚོགས་གཉིས་རྒྱ་མཚོའི་ཕ་མཐའ་ཡས་པ་རུ་བརྒལ་ཞིང་། 
།སངས་རྒྱས་ཞེས་པའི་མཚན་སྙན་ཅོད་པཎ་དུ་འཆང་ནས། །སྙིང་སྟོབས་བཙན་པོས་ཞིང་འདིར་ཕེབས་པ་དེ་ཨེ་མ།  

།ཆུང་དུས་དམ་པའི་རང་རྟགས་ལྷན་སྐྱེས་སུ་མངའ་ཞིང་།།ཕལ་པའི་སྤྱོད་ལས་འགོང་ཞིང་རླུང་ནུས་ཀྱི་གྲུབ་རྟགས། 
།མ་འོངས་བསྟན་འགྲོའི་དོན་དུ་ཕེབས་པ་འདི་བསམ་ན། །ཁྱེད་ནི་མིང་དོན་ལྡན་པའི་ཡ་མཚན་གྱི་ཁྱེའུ།

།ཡང་དར་བསྟན་སྲིད་མེ་རོའི་ལྷ་ལམ་གྱི་ངོགས་སུ། །འཁོར་ལོ་གསུམ་གྱི་མཛད་བཟང་འོད་སྟོང་རང་འཕྲོ་བའི། 
།སྒྲུབ་བརྒྱུད་བསྟན་པའི་གཙུག་ནོར་ངེས་དོན་གྱི་དཔུང་གཉེན། །ང་ཡི་བླ་མ་ནམ་མཁའི་ནོར་བུ་ཁྱེད་དྲན་ནོ། 

།རིག་གསར་ཀླ་ཀློའི་སྤྱོད་ངན་ཆེར་སྙིགས་ཀྱི་དུས་འདིར།།ཁྱེད་ཀྱི་ལྷག་བསམ་སྙིང་སྟོབས་གོ་ཆ་རང་བགོས་ནས། 
།ཟལ་མོ་སྒང་འདིར་ལུགས་གཉིས་ལམ་སྟོན་གྱི་བླ་དཔོན། །ང་ཡི་བླ་མ་ཨ་དྷི༔ཕོ་རྒོད་ཁྱེད་དྲན་ནོ། 

།བཀའ་གཏེར་མདོ་སྔགས་དབང་ལུང་མན་ངག་གི་ཆུ་འགོ། །སྐམ་ལ་ཉེ་དུས་རིས་མེད་མཁས་གྲུབ་ཀྱི་གངས་རིར། 
།གདམས་པའི་ཆུ་གཏེར་འབུམ་ཕྲག་ཡུར་བ་རུ་དྲངས་པའི། །ང་ཡི་བླ་མ་སངས་རྒྱས་བསྟན་འཛིན་ཁྱེད་མཁྱེན་ནོ། 

།དེང་དུས་བསྟན་པ་ནུབ་རིའི་ཕྲག་པ་རུ་གཞོལ་ཅིང་།།བསྟན་འཛིན་ཕལ་ཆེར་ཚེ་འདིའི་འདོད་ཡོན་ལ་གཡེངས་དུས།
།ཁྱེད་ཀྱིས་ཚེ་འདིའི་སྙན་གྲགས་རྡོག་རྫིས་སུ་བཏང་བའི། །ང་ཡི་བླ་མ་འགྲན་གྱི་དོ་མེད་དེ་མཁྱེན་ནོ། 

།མཐོན་པོར་ངོ་སྲུང་དམའ་ལ་ཁྱད་གསོད་རང་མེད་ཅིང་། །ཉིན་མཚན་དུས་དྲུག་སྡེ་དགོན་སེམས་ཅན་གྱི་དོན་དུ། 
།རྒྱལ་སྲས་བྱང་ཆུབ་སེམས་དཔའི་སྤྱོད་པ་ལ་གཞོལ་བའི། །ང་ཡི་བླ་མ་འགྲོ་བའི་དེད་དཔོན་ཁྱེད་དྲན་ནོ། 

།བསྟན་འཛིན་ཟེར་ནས་ས་སྟེང་བསྟན་བཤིགས་ཀྱིས་ཁྱབ་ཅིང་།།བསྟན་པའི་སྣང་བ་ཀླ་ཀློའི་གྲིབ་མ་ཡིས་སྒྲིབ་དུས།
།བསྟན་ལ་མཛད་པ་དཀར་པོ་འོད་དཀར་གྱི་གོང་བུ། །ང་ཡི་བླ་མ་དུང་ཟླ་དཀར་ཆུང་དེ་དྲན་ནོ། 

།ནང་ཆེན་ཉེར་ལྔའི་བེཌཱུའི་ཡོལ་གོ་ཡི་ནང་དུ། །རྩ་ཆེན་བསྟན་འཛིན་ནོར་བུ་སྣ་མང་གི་དབུས་སུ། 
བརྩེ་བས་སྨིན་གྲོལ་གདམས་ངག་ཐོགས་མེད་དུ་རྩོལ་མཁན། །ང་ཡི་བླ་མ་ཡིད་བཞིན་ནོར་བུ་ཁྱེད་མཁྱེན་ནོ། 

།ཆོས་བརྒྱད་གསེར་གྱི་ཁྲི་འཕངས་མཐོན་པོ་ལ་མི་དགྱེས། །བླ་གཟུགས་དཔོན་མ་བླ་ཡི་ཆེ་ཚུགས་དེ་མི་དགོས། 
ཁྱེད་ནི་ངེས་དོན་རྟོགས་པའི་བསྟན་པ་ཡི་བདག་པོ། །ང་ཡི་བླ་མ་འཁྲུལ་ཞིག་རྒྱལ་པོ་ཁྱེད་མཁྱེན་ནོ། 

 །གཤིན་པོ་སྟོང་ཕྲག་མང་པོར་འཕོ་འདེབས་ཀྱི་བླ་མ། །ཉམ་ཆུང་འབྱོར་མེད་རྣམས་ལ་དྲིན་ཅན་གྱི་ཕ་རྒན། 
།འུ་ཅག་ནང་ཆེན་པ་ལ་བསླུ་མེད་ཀྱི་སྐྱབས་མགོན། །བླ་རྒན་སངས་རྒྱས་བསྟན་འཛིན་སྙིང་དབུས་ནས་དྲན་ནོ། 

།ཆོས་དང་རིགས་ལ་དུང་བའི་གངས་ཅན་པའི་ཕོ་རྒོད།།ཆོལ་གསུམ་བྲང་གིས་གཤགས་ཀྱང་ཁྱེད་འདྲ་ཞིག་མི་རྙེད། 
།ཨེ་མ་གངས་ཅན་བོད་ཀྱི་བསོད་ནམས་དེས་མ་འཆུན། །ང་ཡི་བླ་མ་དཔའ་བོ་གཡུལ་རྒྱལ་དེ་མཁྱེན་ནོ།  

།ཤེས་མེད་ཅོལ་ཆུང་འགའ་ཡི་བྱ་སྤྱོད་རྣམས་མཐོང་དུས། །གདོང་ལ་མཛུབ་མོ་བཙུགས་ནས་སྙིང་རྗེ་ཡི་ཁྲོ་ཚིག། 
།ཆ་ལུགས་མ་བརྗེ་སྐད་ཡིག་མ་བརྗེད་རྣམས་གསུངས་པའི།།རིན་བྲལ་བསླབ་བྱ་འདི་རྣམས་སྙིང་དབུས་ནས་དྲན་སོང་། 

།མི་ངན་དཔོན་ཆེན་མགོ་བོ་ཐུ་ལུམ་གྱིས་བརྡུང་ཞིང་། །ཁྲོས་ན་ཡ་མེད་རྒྱ་ཚ་ཞལ་དཀར་དང་འདྲ་བ། 
།འབྱོར་མེད་གཉོམ་ཆུང་རྣམས་ལ་ཕྱག་ཡངས་ཀྱིས་སྐྱོང་བའི། །ང་ཡི་བླ་མ་འབྲེལ་ཚད་དོན་ལྡན་ཁྱེད་མཁྱེན་ནོ། 

།ཕྱི་ལྟར་སྦས་པའི་བརྟུལ་ཞུགས་ཉན་ཐོས་ཀྱི་སྤྱོད་པ། །ནང་ལྟར་བྱང་སེམས་སྙིང་རྗེའི་རྒྱལ་སྲས་ཀྱི་དཔའ་བོ། 
།གསང་བ་རིམ་གཉིས་བདེ་ཆེན་རྡོ་རྗེ་ཡི་སྐུ་བརྙེས། །ང་ཡི་བླ་མ་རྡོ་རྗེ་འཛིན་པ་ཁྱེད་དྲན་ནོ། 

།ཁྱེད་ཀྱི་ཐུགས་བསྐྱེད་ཀུན་གསལ་ལྷ་ལམ་གྱི་ངོགས་སུ། །སྔར་མེད་ཞི་བདེའི་སྨོན་ལམ་འོད་སྟོང་དུ་འཕྲོས་ནས། 
།ཡུལ་ལ་དགེ་བཅུའི་སྣང་བ་རྫོགས་ལྡན་གྱིས་ཁྱབ་པས། །བཀའ་དྲིན་ཅན་གྱི་བླ་མ་ཡང་ཡང་ནས་དྲན་ནོ། །

།རེ་ཞིག་རྟག་འཛིན་ཅན་རྣམས་ཆོས་ལམ་དུ་བསྐུལ་ཆེད།།མ་འོངས་ཞལ་ཆེམ་ལུང་བསྟན་སྒྲིབ་མེད་དུ་གནང་ནས། 
།གཟུགས་སྐུའི་བཀོད་པ་ནང་གསལ་གཞི་དབྱིངས་སུ་ཐིམ་ཀྱང་།།ཡེ་ཤེས་ཆོས་སྐུའི་བླ་མ་འབྲལ་མེད་འདི་སྐྱིད་ལ། 

།ལེ་བར་སྟོང་གིས་བརྒལ་བའི་ས་མཐའ་ཡི་བུ་ཆུང་། །བླ་མ་ཡིད་ལ་དྲན་པའི་གདུངས་དབྱངས་འདི་གསན་ན། 
།བརྩེ་ཆེན་ཡེ་ཤེས་ཐུགས་རྗེའི་ཆོས་སྐུ་ཡི་ཀློང་ནས། །འབྲལ་མེད་ཐུགས་རྗེས་ཟུངས་མཛོད་དྲིན་ཅན་གྱི་བླ་མ། 

སྐྱབས་མགོན་རྡོ་རྗེ་འཆང་ཆེན་པོ་དོན་གྱི་སླད་དུ་མཚན་ནས་སྨོས་ན་༸སྐྱབས་རྗེ་བླ་རྒན་སངས་རྒྱས་བསྟན་འཛིན་རིན་པོ་ཆེ་དགོངས་པ་གཞན་དོན་དུ་གཤེགས་ཚུལ་བསྟན་ནས་བགྲང་བྱ་ཧྲིལ་པོ་བཅུ་དགུ་འཁོར་བའི་སྐབས། ཕ་ཡུལ་རང་དགོན་ནས་བརྡ་ཁྱབ་རྗེས་དྲན་རྩོམ་བསྡུའི་གསལ་བསྒྲག་ཞིག་དྲྭ་ལམ་ནས་མཇལ་བའི་རྐྱེན་བྱས་ནས་མཆོད་པ་རྣམས་ཀྱི་ནང་ནས་བླ་མ་མཆོད་པ་ཁྱད་པར་དུ་འཕགས་ཚུལ་ཇི་ལྟར་ངེས་པར་བྱས། རང་ཉིད་ཀྱང་བསོད་ནམས་བསགས་པའི་རྒྱུ་རུ་དམིགས་ཏེ་ཨ་རིའི་ནུབ་ཕྱོགས་ཁ་ལི་ཧྥོ་ནི་ཡའི་གྲོང་ཁྱེར་ཞི་བདེ་རྒྱ་མཚོའི་འགྲམ་ངོགས་སུ་གནས་པའི་རྗེ་གང་གི་ཞབས་རྡུལ་སྤྱི་བོས་རེག་པ་སློབ་འབངས་ཐ་ཤལ་བ་ཆོས་སྨྲ་བའི་མིང་འཛིན་ཀརྨ་བསྟན་སྲུང་ནས་བོད་རྒྱལ་ལོ་༢༡༤༧ རབ་གནས་ལྕགས་བྱི་ལོའི་མཆུ་ཟླའི་ཚེས་གཉིས། ཕྱི་ལོ་2020 སྤྱི་ཟླ་གསུམ་པའི་ཚེས་26 རྩ་བའི་བླ་མ་གང་ཉིད་ཞི་བར་གཤེགས་པའི་དུས་ཚེས་དགེ་བའི་ཉིན་འཇམ་དབྱངས་ཆོས་འཁོར་གླིང་རང་ཤག་ནས་ལྷག་པའི་ལྷ་མཆོག་ཕུར་པ་རྡོ་རྗེ་གཞོན་ནུའི་ཞོགས་ཐུན་བསྙེན་མཚམས་སུ་བྲིས་ནས་གསོལ་བ་རྩེ་གཅིག་ཏུ་བཏབས་པས་འགྲོ་རྣམས་རིག་སྟོང་ཆོས་སྐུ་བླ་མའི་རང་ཞལ་མྱུར་དུ་མཇལ་བའི་རྒྱུ་གྱུར་ཅིག། སརྦ་མངྒ་ལམ། དགེའོ།།





Friday, March 20, 2020

སུམ་བཅུ་དུས་དྲན་ཐེངས་མ་རེ་གཅིག་པ།


ས་གནས་འདིར་འབྱོར་ནས་བཟུང་རང་འཁོས་ནུས་པ་གང་ཡོད་ཀྱིས་ཆོས་སྲིད་གང་གི་ཐད་ནས་ཡིན་ཀྱང་ལྷོད་གཡེང་དང་འཐུས་ཤོར་མེད་པར་གང་དྲག་བྱེད་ཁུལ་བྱེད་ཀྱི་ཡོད། ལྷག་པར་དུ་ལོ་རེའི་སུམ་བཅུ་དུས་དྲན་གྱི་སྐབས་སུ་རང་དོན་རང་གཅེས་ཀྱིས་རང་ཉིད་བོད་ས་དགྲ་ལག་ཏུ་ཤོར་ཞིང་། རང་གི་ཨ་མ་དང་ཨ་ཞང་སོགས་དགྲ་བོའི་འཐབ་རྩོད་ཀྱི་ཁྲོད་དུ་མུག་ཤི་ཐེབས། བཀའ་དྲིན་འཁོར་མེད་དྲིན་ཅན་རྩ་བའི་བླ་མ་ཉིད་ཀྱང་བཙོན་ཁང་ནང་དུ་མི་ལོ་ཉེར་གཅིག་རིང་དཀའ་སྡུག་མྱང་། ཐ་ན་རང་ཉིད་ཀྱང་མི་འདོད་བཞིན་དུ་ས་མཐར་འཁྱར་དགོས་བྱུང་བའི་གནས་སྟངས་འདི་འདྲ་ཞིག་ཡིད་ལ་འཁོར་བའི་སྐབས་སུ་སུམ་བཅུ་དུས་དྲན་ནི་བརྗེད་ཐབས་གཏན་ནས་མེད་པའི་དུས་དྲན་ཞིག་ལ་ངས་ངོས་འཛིན་བྱེད་ཀྱི་ཡོད། 
༡༩༤༩ ནས་བཟུང་སྟེ་བོད་འདི་རྒྱ་ནག་དམར་པོའི་གཞུང་གིས་ཟ་སེམས་ཀྱིས་ལྷ་ལུང་ནང་དུ་འདྲེ་ལག་བསྐྱངས། ༡༩༥༩ ལོར་བོད་ཁམས་སོགས་ནས་རིམ་བཞིན་བོད་ཀྱི་རྒྱལ་ས་ལྷ་སའི་བར་མི་འདོད་བཞིན་དུ་བཙན་གྱིས་དབང་བསྒྱུར་དང་། བསད་རྡུང་། འཐབ་རྩོད། བཙོན་འཇུག་སོགས་དམྱལ་བ་མི་ཡུལ་དུ་འཕོས་པ་ལྟར་བྱུང་ཡོད། སྐབས་དེ་དུས་ཆོལ་ཁ་དང་ཆོས་ལུགས་གང་ཡིན་ཁྱད་པར་མེད་པར་རྩིད་སྐུད་མགོ་བྲེགས་པ་ནང་བཞིན་སྐྱབས་མགོན་ཐམས་ཅད་མཁྱེན་པས་གཙོར་བྱས་ཆོལ་ཁ་གསུམ་གྱི་བོད་རིགས་སྐྱབས་བཅོལ་བ་མང་པོ་ཞིག་ལུང་པ་དགྲ་ལག་ཏུ་ཤོར་ནས་སྲན་ཕུང་དབྱུགས་པས་སྟོར་བ་ནང་བཞིན་ད་ལྟ་འཛམ་གླིང་གང་སར་ཡུལ་གྱར་བའི་འཚོ་བའི་ཁྲོད་དུ་བསྡད་དགོས་བྱུང་ཡོད། 
ཡིན་ནའང་ད་དུང་ངོས་ཀྱི་ངོ་ཤེས་ཡུལ་གྱར་བའི་བླ་སྤྲུལ་འགའ་ཡིས་རྒྱ་ནག་དམར་པོའི་སྲིད་གཞུང་ནས་སོ་སོའི་ཕ་ས་དགྲ་ཡིས་འཕྲོག་ཅིང་དགོན་སྡེ་རྩ་གཏོར་གཏང་བ་ཤེས་བཞིན་དུ་བོད་ཀྱི་རྩ་དོན་ལ་དོ་སྣང་བྱས་ན་དེ་ནི་སྲིད་དོན་ནག་པོ་རེད་ཅེས་ཁུངས་ལུང་རྒྱུ་མཚན་གང་ཡང་མེད་པར་འགྲེལ་བཤད་བྱེད་ཀྱི་འདུག
 ངས་བསམ་ན་དེ་ནི་བརྟག་དཔྱད་མ་བྱས་པའི་སྨྱོ་གཏམ་ཞིག་གམ་ཡང་ན་ཁམས་པའི་གཏམ་དཔེར། གྱེར་ནས་ལོང་བརྫུ་དང་། ཉན་ནས་འོན་བརྫུ་བྱེད་ཟེར་བ་དེ་ངོ་མ་རེད་བསམ། 
གང་ལྟར་ཀྱང་དེ་ལྟར་བཤད་མཁན་བོད་རིགས་མཐོ་དམན་སུ་ཡིན་ཀྱང་ངས་ནི་མོས་མཐུན་གཏན་ནས་མེད་པ་མ་ཟད་གང་ཟག་དེ་ཉིད་ཀྱི་རྒྱུད་ལ་ལྷ་ཆོས་ཕར་ཞོག་མི་ཆོས་གཙང་མ་ལས་འབྲས་དང་། དགེ་བཅུའི་ལྟ་བ་ཡང་དག་ཞིག་རྒྱུད་ལ་མེད་པ་ཚོད་དཔག་བྱེད་ཐུབ། 
ང་རང་ཉིད་ལ་མཚོན་ན་དེང་སང་སྐྱེ་ཚར་བྱེད་ས་ཕྱི་རྒྱལ་ཡིན་པའི་བོད་རིགས་ན་གཞོན་བོད་ས་མིག་གིས་མཐོང་མ་མྱོང་མཁན་འདི་རྣམས་དང་གཏན་ནས་མི་འདྲ་བར་བོད་ལ་སྐྱེ་ཚར་བྱུང་ཞིང་བོད་ཀྱི་གནས་སྟངས་ངོ་མ་གང་ཡིན་པ་མི་ཡིས་འགྲེལ་བཤད་བྱེད་མ་དགོས་པར་རང་ཉིད་ནས་མངོན་སུམ་མིག་མཐོང་ལག་ཟིན་མྱོང་མཁན་ཞིག་ཡིན། གནས་སྐབས་སྟོབས་ལྡན་རྒྱལ་ཁབ་ཞིག་ལ་སྐྱབས་བཅོལ་ས་རྙེད་ཙམ་ཞིག་ནས་ད་ལྟའི་བོད་ཀྱི་གནས་སྟངས་འདི་གཏིང་བརྗེད་དུ་ཕྱིན་ན་དེ་ནི་ཆོས་དང་འཇིག་རྟེན་གང་གི་ཐད་ནས་ཡིན་ཀྱང་མི་ཧ་ཅང་ཐབས་སྡུག་ཞིག་རེད། འདས་པའི་མི་ལོ་དྲུག་བཅུའི་རིང་གཞིས་བྱེས་བོད་རིགས་རྣམས་ཀྱིས་མྱང་བའི་དཀའ་སྡུག་འདི་དུས་ནམ་ཡང་བརྗེད་ཐབས་མེད། 
ང་ས་གནས་འདིར་འབྱོར་ནས་བཟུང་སྟེ་སུམ་བཅུ་དུས་དྲན། རྒྱལ་བའི་འཁྲུངས་སྐར། ལོ་གསར་སོགས་བོད་ཀྱི་རིག་གཞུང་དང་འབྲེལ་བའི་དུས་དྲན་ཁག་སྲུང་བརྩི་བྱེད་ཀྱི་ཡོད། 
ས་གནས་འདིར་བོད་པའི་ཁྱིམ་ཚང་གཅིག་ལས་མ་གཏོགས་མེད་ཀྱང་སུམ་བཅུའི་དུས་དྲན་ཉིན་མོ་འདིར་ང་ཚོ་མཉམ་རུབ་ཀྱིས་ས་གནས་འདིར་སྐད་འབོད་དང་ཁྲོམ་སྐོར། བོད་དོན་ཁྱབ་སྒྲག་སོགས་བྱེད་ཀྱི་ཡོད། ད་ལོ་དང་ན་ནིང་གཉིས་ལ་ངོས་ཀྱི་ཚ་མོ་བདེ་ཆེན་དབྱངས་སྐྱིད་ཀྱང་ཡོད་པས་ལས་འགུལ་འཐུས་ཚང་དང་ཡར་རྒྱས་ལ་ཁྱད་པར་ཆེན་པོ་འདུག། ལས་འགུལ་ལ་མཉམ་ཞུགས་བྱེད་མཁན་ཚང་མ་ངོས་ཀྱི་དགེ་ཕྲུག་དབྱིན་ཇི་རྣམས་རེད། 
ཁ་སང་གི་ཉིན་མོ་འདི་ནི་བོད་རིགས་རྣམས་ཀྱིས་སུམ་བཅུ་དུས་དྲན་ཞེས་འབོད་ཀྱི་ཡོད། དེ་ནི་༡༩༥༩སྤྱི་ཟླ་བ་གསུམ་པའི་ཚེས་བཅུའི་ཉིན་བོད་ཆོལ་ཁ་གསུམ་ཡོངས་སུ་རྫོགས་པ་མ་བགྲོས་བསམ་པ་གཅིག་མཐུན་གྱིས་རྒྱ་ནག་གཞུང་ལ་ངོ་རྒོལ་བྱས་པའི་དུས་ཆེན་གྱི་ཉིན་མོ་དེ་རེད། ངས་ཀྱང་སྔ་ནས་གྲ་སྒྲིག་བྱས་ཟིན་པ་ལྟར་གངས་སེང་རྒྱལ་དར་ཁྲ་བོ་དེ་ཕྲག་ཏུ་བཀལ། བོད་རང་བཙན་ཡིན། ཞེས་པའི་སྦྱར་བྱང་དེ་ལག་ཏུ་བཟུང་ནས་འཁོར་དུ་ངོས་ཀྱི་ཚ་མོ་དང་། གྲོགས་པོ་དངོས་གྲུབ་རྡོ་རྗེ་གཉིས་གཙོས་པའི་ཆོས་ཚོགས་ཀྱི་སློབ་མ་ཉི་ཤུ་ཙམ་གྱིས་མཐའ་སྐོར་ནས་མི་མང་འདུ་སྡོད་བྱེད་སའི་ས་གནས་ལམ་མདོ་དེར་མཚོ་གླང་གིས་དར་གཤགས་པ་ནང་བཞིན་སྐད་འབོད་བྱེད་ལ་སོང་། དེ་ནི་ཁམས་པའི་གཏམ་དཔེར། ཤེད་ཆེ་ནི་འབྲོང་ལ་མ་འཐམ་སྟེ། འུས་ཐུག་ན་མ་འཐམ་རང་འཐམ་རེད། ཟེར་བའི་དཔེ་ལྟར་རེད། 
ས་གནས་དེར་འབྱོར་མ་ཐག་འཛེམས་ཟོན་གང་ཡང་མེད་པར་ངོས་ཀྱི་དབྱིན་ཇི་ར་མ་ལུག་དེ་རྒྱབ་ནས་ད་ལོའི་སུམ་བཅུ་དུས་དྲན་དེ་དུས་དྲན་དྲུག་བཅུ་རེ་གཅིག་པ་ཡིན་པ་དང་། ༧གོང་ས་སྐྱབས་མགོན་ཆེན་པོའི་དགུང་ལོའི་བབས། ད་ལྟའི་བོད་ཀྱི་གནས་སྟངས་སོགས་ཚོར་བ་རྣོན་པོའི་སྒོ་ནས་འགྲེལ་བཤད་ཐུང་ཙམ་བྱས་ནས་གཞུང་ལམ་གྱི་འགྲམ་ནས་གཟི་བརྗིད་ཅན་གྱི་གངས་སེང་རྒྱལ་དར་དེ་ནམ་མཁར་ལྷབ་ལྷུབ་རླུང་གིས་བསྐྱོད་བཞིན་དུ་ངག་ནས་བོད་ལ་རང་དབང་དགོས། བོད་ལ་འགྲོ་བ་མི་ཐོབ་ཐང་དགོས་སོགས་འབོད་ཚིག་འདྲ་མིན་གང་དྲན་སྐད་འབོད་བྱས། གཞུང་ལམ་ནང་གི་རླངས་འཁོར་རྣམས་ཀྱིས་བོད་ལ་དགའ་རྟགས་ཀྱི་ཅོང་སྒྲ་རྒྱུན་ཆད་མེད་པར་རེད་འདུག། 
ད་ལྟའི་བོད་ཀྱི་གནས་སྟངས་འདི་ང་ཚོའི་བོད་རིགས་སྐྱ་སེར་ཡོངས་ཀྱི་ལས་འགན་ཆེན་པོ་ཞིག་ལས་ཆོལ་ཁ་དང་ཆོས་རྒྱུད་གང་རུང་། བླ་མ་དང་བླ་བྲང་གང་རུང་ཞིག་གི་འགན་འཁྲིའི་སྒང་ལ་གཡུགས་བཞག་ན་གཏན་གཏན་ནོར་འཁྲུལ་ཆེན་པོ་རེད་བསམ། 


ལོ་གཉིས་ཡར་སྔོན་དབྱིན་ཇི་ཕོ་གསར་ཞིག་ནས་འདི་ལྟར་ཟེར། 
“ང་ཆོས་ཚོགས་ག་གེ་མོ་དང་བླ་མ་ག་གེ་མོ་མཉམ་དུ་ཡུན་རིང་སོང་ཡང་ད་ལྟའི་བོད་ཀྱི་གནས་སྟངས་འདི་འགྲེལ་བཤད་བྱེད་མཁན་ཁྱོད་རང་ལས་མ་གཏོགས་མཐོང་མ་སོང་། ལྷག་པར་དུ་བོད་པའི་ཆོས་ཚོགས་རྣམས་ཀྱིས་སུམ་བཅུ་དུས་དྲན་འདི་སྲུང་བརྩི་བྱེད་མཁན་མི་འདུག། མ་ཟད་མིང་འབོད་འདོད་མེད་པའི་བླ་མ་ཞིག་ནས་ད་ལྟའི་བོད་ཀྱི་གནས་སྟངས་འདི་ཧ་ཅང་ཡག་པོ་རེད་ཟེར་ནས་རྒྱ་ནག་གཞུང་ལ་བསྟོད་ར་བྱེད་ཀྱི་འདུག། དེ་ནས་བཟུང་སྟེ་ང་ཁོ་ལ་དགའ་མ་སོང་ཟེར།“
ངས་ཀྱང་གདོང་ལ་སྐྱོ་ཉམས་དང་བཅས་དབྱིན་ཇི་ཕོ་གསར་གྱི་སྐད་ཆ་དེར་མོས་མཐུན་མ་བྱས་ཐབས་མེད་བྱུང་། 
ཞིབ་ཏུ་བསམ་བློ་གཏང་ན་བོད་དོན་ལ་རྒྱབ་སྐྱོར་བཙལ་སའི་ཁོར་ཡུག་ཡག་ཤོས་ནི་ཆོས་ཚོགས་དང་དགོན་པ་རྣམས་ཀྱི་ནང་ནས་རེད་འདུག། བོད་ཀྱི་ནང་ཆོས་ལ་དགའ་མཁན་ཞིག་ཡིན་ན་རང་བཞིན་གྱིས་བོད་ཀྱི་སྲིད་དོན་དང་རྒྱལ་རབས་སོགས་ལའང་དོ་སྣང་བྱེད་ཀྱི་ཡོད་པས་ང་ཚོ་བོད་ཀྱི་བླ་མ་རྣམ་པས་ཀྱང་དེའི་སྐོར་ལ་ངེས་པར་ཐུགས་སྣང་གནང་བའི་དུས་ལ་བབས་འདུག
སྤྱིར་གཏང་ཆོས་དང་འཇིག་རྟེན་གཉིས་མཉམ་བསྲེ་བྱེད་རྒྱུ་མེད་པ་ངས་ཀྱང་ཤེས། དེ་བས་ཤེས་དགོས་པ་ཞིག་ལ་བོད་དོན་འདི་སྲིད་དོན་ནག་པོ་ཞིག་མིན་པ་ཚང་མས་ཧ་གོ་བར་བྱེད་དགོས། དེ་ནི་ང་ཚོ་བོད་རིགས་སྤྱི་བོ་གནམ་བསྟེན་ཡོངས་ཀྱི་ཕྲག་ཏུ་བབས་པ་ལྡོག་ཏུ་མེད་པའི་ལས་འགན་ཞིག་རེད། དེང་སང་ནུབ་ཕྱོགས་པའི་མི་རིགས་མང་པོ་ཞིག་ནས་བོད་དོན་ཐོག་ལ་དོ་སྣང་ཇེ་ཆེར་འགྲོ་བཞིན་པའི་དུས་སྐབས་འདིར་སྐབས་འགར་ཆོས་ཚོགས་ནང་དུ་བོད་དོན་སྐོར་ལ་དྲི་བ་དང་དྲིས་ལན་། གསར་འགོད། གློག་བརྙན་སོགས་གོ་སྐབས་ཐོབ་པའི་སྐབས་སུ་ངེས་པར་ཆོས་ཚོགས་ཀྱི་བླ་མ་རྣམས་ཀྱིས་ཐུགས་བསམ་གཞེས་དགོས་པར་གདའོ། 
ངས་ནི་ནམ་རྒྱུན་ཆོས་ཚོགས་ཀྱི་ནང་དུ་ཆོས་ཕྱོགས་ཀྱི་ལས་ཀ་མང་པོ་བྱེད་ཀྱི་ཡོད། དཔེར་ན། བདུན་ཕྲག་གཅིག་ནང་འཆར་ཅན་ལྟར་དུ་རེས་གཟའ་ཉི་མར་ཆོས་ཁྲིད་དང་། གཟའ་ཟླ་བར་བདེ་ཆེན་ཞིང་སྒྲུབ། གཟའ་སྤེན་པར་ཞི་གནས་སྒོམ། གཟའ་ལྷག་པར་ནང་ཆོས་བགྲོ་གླེང་སོགས་ཆོས་ཚོགས་འཆར་ཅན་གྱི་མཛད་རིམ་ཁག་ཡིན། རང་ཉིད་སྒེར་ལ་མཚོན་ན་ཞོགས་པ་ཆུ་ཚོད་ལྔ་པ་ནས་ལངས་ཞིང་རང་གི་ཁ་འདོན་དང་དཔེ་ལྟས། སྒོམ་སོགས་བྱེད་ནས་དུས་ཚོད་དམ་འཛིན་བྱེད་ཀྱི་ཡོད།  
ཆོས་ཕྱོགས་ཀྱི་ཡན་ལག་དཔེར་ན། རྒྱ་མཚོ་བྱིན་རླབས་དང་ཀླུ་གཏོར་འདོན་པ་དང་། བོད་ཀྱི་སུམ་བཅུ་དུས་དྲན། ཤིང་སྡོང་བྱིན་རླབས། རི་ཁྲུས་དང་ཁང་ཁྲུས། ཤི་བོའི་རོ་མགོར་སྨོན་ལམ་འདོན་པ། ནད་པར་སྨན་ཁང་ནང་དུ་ཐུག་འཕྲད་ལ་འགྲོ་བ་སོགས་བོད་དོན་གཅིག་པུར་མ་ཡིན་པར་ལུང་པ་འདིའི་མི་རིགས་རྣམས་ལ་རོགས་རམ་ཚང་མ་གང་ཐུབ་བྱེད་ཀྱི་ཡོད། 
གང་ལྟར་ཀུན་སློང་གཞན་ཕན་བསམ་པ་བཟང་པོའི་ཆོས་དང་འཇིག་རྟེན་གང་བྱས་ཀྱང་ཐར་པ་དང་ཐམས་ཅད་མཁྱེན་པའི་རྒྱུ་གཉིས་གང་རུང་ལ་འགྱུར་ངེས་གཏན་རེད་གདའ་བས་ཕྱི་བཞུགས་བོད་བླ་རྣམ་པས་ཀྱང་ད་ནས་བཟུང་སྟེ་བོད་དོན་འདི་སྲིད་དོན་ནག་པོ་ཞིག་ལ་ཁག་དཀྲི་ནས་གད་སྙིགས་ནང་དུ་མ་གཡུགས་པར་སྙིང་ཁོང་དུ་གཅེས་ཉར་གནང་ནས་མ་མཐའ་ནའང་སུམ་བཅུའི་དུས་དྲན་ཉིན་མོར་སློབ་མ་རྣམས་ཁྲིད་ནས་ཐེངས་གཅིག་སྒོ་ལ་འབུད་རོགས་ཞེས་ཞུ་འདོད་བྱུང་། 
བཀའ་དྲིན་ཆེ། 



Tuesday, March 17, 2020

Medicine Buddha Practice for Corona Virus from Khenpo Karten Rinpoche


Tashi Deleks, all my dear Dharma Brothers and Sisters! 
During the current terrible Corona Virus pandemic from China, all my disciples and Dharma brothers and sisters, please cease public gatherings and ceremonies, and do not go to them. As you know, always wash your hands and stay clean. I have temporarily cancelled teachings at Manjushri Dharma Center. That is because this bad virus is easily caught and swift to spread. The center is not only a gathering place, but for people from everywhere. Therefore we are temporarily suspending gatherings, but never stop your prayers and Dharma practice. In particular, while all Buddhas and Yidam Deities are good to practice, I feel it would be especially beneficial to do prayers and practice of Medicine Buddha at this time.

 ༅༅། །ཐུགས་རྗེ་ཀུན་ལ་སྙོམས་པའི་བཅོམ་ལྡན་འདས། 
།མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། 
།དུག་གསུམ་ནད་སེལ་སངས་རྒྱས་སྨན་གྱི་བླ། 
།བེཌཱུརྱ་ཡི་འོད་ལ་ཕྱག་འཚལ་ལོ། ། 

thug-je kun-la nyom-pay chom-den-de  
tsen-tsam tö-pé ngen-drö dug-ngel-sel 
dug-sum ne-sel sang-gyé men-gyi-la 
be-dur ya-yi ö-la chag-tsel-lo 

O Blessed One with equal compassion for all, 
Whose name, just hearing, dispels lower realms’ suffering 
And heals sickness of disease and the three poisons, 
Homage to the Medicine Buddha, Lapis Light! 

ཏདྱ་ཐཱ། ཨོཾ་བྷྱེ་ཥ་ཛྱེ་བྷྱེ་ཥ་ཛྱེ་མ་ཧཱ་བྷྱེ་ཥ་ཛྱེ་རྭ་ཛ་ས་མུདྒ་ཏེ་སྭཱ་ཧཱ། 
TAYA THA OM BE KHA DZE BE KHA DZE MAHA BE KHA DZE RA DZA SA MUD 
GA TE SO HA
 Recite the mantra as much as you can. 

།བླ་མ་མཆོག་དང་སངས་རྒྱས་སྨན་ལྷའི་ཚོགས། 
།མ་ལུས་འཁོར་བཅས་བདག་ལ་གསན་དུ་གསོལ། 
སྔར་མ་གྲགས་པའི་ནད་དང་བར་ཆད་སོགས། 
།མ་ལུས་ཞི་ཞིང་རྩད་ནས་བཟློག་པར་མཛོད། 

la-ma chog-dang sang-gyé men-lhay-tsog 
ma-lu khor-ché dag-la sen-du-sö
ngar-ma drag-pay né-dang bar-ché-sog 
ma-lu shi-shing tsé-né dog-par-zod 

Supreme Guru and Medicine Buddha Deities, 
And Entourage without exception, please listen! 
Pacify this previously unheard of disease and obstacles 
Without exception and stop them completely! 

།ནང་གི་ནད་ངན་བདག་འཛིན་ཉོན་མོངས་ཀྱིས། 
།ཕྱི་ཡི་ནད་ངན་འབྱུང་བཞིའི་གཡོ་འཁྲུགས་དང་། 
།ཁྱད་པར་སྔར་མ་གྲགས་པའི་ནད་ངན་རྣམས། 
།མྱུར་དུ་ཆད་པའི་མཐུ་དཔུང་བསྐྱེད་དུ་གསོལ། 

nang-gi né-ngen dag-dzin nyön-mong-kyi 
chi-yi né-ngen jung-shi yo-trug-dang 
khyé-par ngar-ma drag-pay né-ngen-nam 
nyur-du ché-pay thu-pung kye-du-sö

All physical disease and disturbance of the four elements, 
Caused by mental illness of self-grasping delusion, 
And especially this previously unknown virus: 
Please gather your might to swiftly stop them! 

།ཉམ་ཐག་འགྲོ་བའི་ལུས་སེམས་སྡུག་བསྔལ་རྣམས། 
།ཞི་ནས་འགྲོ་རྣམས་བདེ་དགའ་རྒྱ་མཚོ་ཡིས། 
།ཕན་ཚུན་བྱམས་བརྩེའི་ངང་དུ་འཚོ་བ་དང་། 
།བཀྲ་ཤིས་བདེ་སྐྱིད་དཔལ་ལ་སྤྱོད་པར་ཤོག།

 nyam-thag dro-way lu-sem dug-ngel-nam 
shi-né dro-nam de-ga gya-tso-yi 
phen-tsun jam-tse ngang-du tso-wa-dang 
ta-shi de-kyi pel-la chö-par-shog 

May the suffering of destitute beings be pacified!
May they live in infinite oceans of joy!
May they have love and compassion for each other,
And enjoy auspiciousness and blissful happiness!

In the space before you amidst rainbow light, visualize Medicine Buddha, embodiment of all the three times’ Buddhas, blue in color, one face and two arms. He holds in his right hand thumb and ring-finger a fresh arura fruit with its leaves, which can cure hundreds of diseases. In his left hand he holds an alms bowl filled with nectar of immortality.
 Meditating that his Body is as huge as a mountain, visualize yourself and all beings prostrating beneath his feet. As you recite Medicine Buddha’s name mantra, with reverence pray to Medicine Buddha to heal all sentient beings of the four hundred and two types of disease, and to dispel all obstacles and misfortune such as the 21,000 types of bad conditions; and especially, for all beings who are tormented by this new pandemic of Corona Virus throughout the world. In particular, pray to Medicine Buddha to grant blessings to quickly free from this terrible sickness the many tens of thousands in Wuhan, China for whom it is like hell has come to earth; as well as for all people of the world who have caught the Corona Virus. 
Visualize Medicine Buddha, looking with eyes of transcendent wisdom and listening with all-hearing ears. At his heart on a lotus and moon cushion is a blue HUM ཧཱུཾ
encircled to the right by the name mantra. Visualize white milk-like nectar flowing from the HUM ཧཱུཾ and dissolving into the encircling mantra garland. Then nectar pours from the mantra, down through Medicine Buddha’s Body, out through the toes of his feet, into the crowns of those under his feet, those surrounding them, all sick people, and especially those now suffering from this pandemic, wherever they are. Visualize that all the sickness is completely cleansed and purified that very instant. Do this visualization many times. You can also visualize Medicine Buddha above the places where the disease has spread. Visualize nectar pouring down and freeing all the people there from mental and physical suffering. Do the meditation and recitation in a relaxed manner, without any doubt, hope or fear. 
Medicine Buddha especially prayed to benefit beings of our degenerate times when there are many sicknesses and untimely death. He is a special Buddha embodying the three mysteries of enlightened body, speech, and mind of all the Buddhas, who manifests as the antidote to sickness during our times. If we recite with faith, conviction and single-pointed focus it will be extremely beneficial. 
Although center activities are temporarily cancelled, we never stop our practice of Dharma. As you stay at home, everyone put your body, speech, and mind to use in positive ways. It would be excellent if you could do a sort of private retreat. I also do a month’s retreat every year but have not had the chance this year because of being busy with Dharma center work. Now, using bad conditions as a support for Dharma practice, I shall take this opportunity to do my own retreat. I will be in retreat until it is feasible to recommence group activities. Everyone, please keep that in mind.
 From my side I pray every day for all sentient beings, and especially Dharma friends with whom I have direct connection; so please, everyone, keep a positive state of mind. 

~ Khenpo Karten Rinpoche. I wrote this brief Medicine Buddha practice to help against the Corona Virus on March 15, 2020, for my Dharma brothers and sisters throughout the world. 

translation by Jampa Tharchin Tashi Deleks Sarva Mangalam 3